巴神冬季或轉戰法甲，巴黎用拿維斯+現金求購 精選

意大利對陣德國既友誼賽令巴神近期既入球荒延續到6場，佢同米蘭之間既好感度都降到好低，冬季轉會期另尋新去處既可能性越黎越高。來自意大利媒體《Mediaset》既消息話，佢經紀人已經係積極運作，力爭促成巴洛迪利轉戰巴黎聖日耳門，巴黎方面極有可能將拿維斯作為折價既籌碼。
根據《Mediaset》既報導，巴神將被拋售既原因並唔單止因為佢近期既低潮，更加關鍵既係佢屢屢係場外為球隊招惹事端，引黎米蘭高層既不滿，為此，佢首發中鋒既位置已經開始動搖。與此同時，佢經理人都表示如果呢種狀況繼續，咁自己會第一時間幫助巴洛迪利逃離意甲。
能夠滿足巴神經理人胃口既球會少之又少，目前睇黎較為實際既一間係巴黎聖日耳門。巴神經理人旗下兩大名將伊巴同麥士維都係呢隊效力，並且巴洛迪利同伊巴同為國米踢波果陣私交唔錯，係場上既效果都幾為理想。但問題係，已經擁有伊巴同卡雲尼既巴黎聖日耳門如果要係度容納巴洛迪利，未免有啲難度，話哂呢3位都更習慣係中路活動，好難接受去邊路打零碎既角色。
黎自法國媒體既消息指，巴黎聖日耳門打算將拿維斯作為引入巴神既犧牲品，用呢位28歲既阿根廷國腳作為交換巴洛迪利既籌碼。2012年夏季轉會期以3000萬歐元既價格從拿玻里轉投巴黎之後，拿維斯首季交出42場11球8次助攻既數據，表現尚可令人滿意，但係今季出戰10場僅斬獲1球。小盧卡斯同卡雲尼既先後加盟都令佢既位置愈接近邊緣化，因此，重返意甲對於呢位拿玻里舊將黎講或者係個唔錯既選擇。
2007年至2012年為拿玻里效力期間，拿維斯總共為拿玻里出戰188場，貢獻48球及49次助攻，其中意甲156場38球。能夠勝任影鋒同邊鋒位置既佢傳射都佳，無論米蘭繼續堅持4312定係改用433，相信拿維斯都能夠成為紅黑軍團進攻線既一枚重要棋子。