車路士借將最後通知，世界盃後無正選即離隊 精選

車路士門將哥圖斯係租借馬體會第三個賽季依然有出色既發揮，如今馬體會大殺四方，係西甲積分榜上壓住皇馬，除左哥斯達，高基等人既出色發揮外，哥圖斯都係功不可沒。
不過由於車路士目前既主力門將施治狀態神勇，哥圖斯一時仲難以搶到位置，但係佢已經引起左包括巴塞在內多間豪門既追逐，佢都唔甘心做施治替補，車路士係門將既位置上遇到左幸福既煩惱。據英媒《每日郵報》披露，哥圖斯已經正式通知車路士，2014年世界杯後如果唔能夠係車路士做主力，佢將會同其他球隊進行接觸。
哥圖斯係係2011年夏天以900萬英鎊既身價加盟車路士，隨即佢就被租借到左馬體會一直效力到宜家，長期既外租生涯都令哥圖斯產生左去意，如今佢已經係馬德里安定落黎，並搵左西班牙女朋友，車路士想留住佢已經唔易。不過據郵報披露，車路士唔會考慮低於3350萬英鎊既報價，藍軍希望通過高昂既身價嚇走求購佢既豪門。
如今車路士既主力門將施治即將滿31歲，對於門將黎講並唔算係「高齡」，雖然曾經遭受重大傷病，但係施治既狀態幾乎無受咩影響，佢宜家都依然可以算係世界前5既門將。施治同哥圖斯既合同都將會係2016年到期，二人之間如何選擇就要令摩帥頭痛啦，留俾摩帥既時間都仲有半年。
http://www.youtube.com/watch?v=l3pbsC6xJsw