皇馬兩門將關係冷淡,史浩克冬季挖角成為皇馬隊長最後希望

足球轉會消息 於 09/11/2013 發表 收藏文章
係安察洛堤手下,迪亞高盧比斯踢聯賽,卡斯拿斯踢杯賽。為左俾兩名高水平門將出場時間,安察洛堤推行左輪換制。但據《機密報》報導稱,兩名門將對於現狀都感覺唔開心,佢地之間既關係都非常冷淡。
係職業角度上黎講,皇馬兩大門神都唔開心。可以互相激勵形成競爭,但係都因為另一人既存在而感受到巨大既壓力。只要出現任何閃失,就會俾媒體口誅筆伐。迪亞高盧比斯係國家打比入面被山齊士吊射破門,之後西媒就開始探討卡斯拿斯成為絕對主力既可行性,咁就係最好既例子。
激烈既職業競爭,令到兩人既私交變得冷淡。迪亞高盧比斯當年係皇馬只係卡斯拿斯既鐵板凳,但係如今卡斯拿斯就俾佢奪走左38輪聯賽首發既機會,聖卡斯肯定唔滿意。迪亞高盧比斯都唔滿意,因為佢無機會踢歐聯同國王杯。兩人既關係並無破裂,但係只係維持係普通既職業層面上,兩人既私低下交流變得極為冷淡。
皇馬為迪亞高盧比斯加薪,咁意味住卡斯拿斯短時間內無辦法重返主力陣容。想為世界杯踢多啲比賽,冬季轉會就成為唯一既可能性。據德國《體育圖片報》報導稱,史浩克04有意係冬季租借卡斯拿斯,以頂替狀態不佳既現時首號門將。如果合作愉快既話,史浩克04願意係明夏徹底買斷卡斯拿斯。
如果卡斯拿斯最終加盟史浩克04既話,佢將會走上魯爾既舊路。係2010年離開皇馬之後,魯爾既第一站就係史浩克04。史浩克04係德甲歷史上算唔上超級豪門,但係就有希望接連迎來皇馬兩大隊長,咁都算係足球壇一大奇聞啦。

留言


請按此登錄後留言。未成為會員? 立即註冊
    快捷鍵:←
    快捷鍵:→