皇馬暫時未定賓施馬去向，紅軍將緊追昔日舊將 精選

賓施馬，係皇馬今個賽季最具爭議性既球員之一。狀態好既時候，佢係呢個星球上最出色既全能中鋒之​​一。但狀態唔好既時侯，賓施馬唔單止門前效率低下，而且顯得過於懶散，佢都因此經常响班拿貝被噓。皇馬到底準備將賓施馬點搞？明夏甩賣定係留低佢？據《點球點》欄目獨家報導稱，皇馬高層都未立定主意。
據《點球點》透露，皇馬上星期接到一份英超球隊為賓施馬開出既報價。不過對於呢份報價，皇馬既未有答覆，都未有予以回絕，皇馬高層決定拖時間。皇馬冇準備咁早就敲定賓施馬既未來，而係打算出年夏天再做出最終決定。姐係話，賓施馬仲剩番大半個賽季黎證明自己。
沙比阿朗素日前終於傷愈復出，賽後佢表態「終於到左可以同球會平心靜氣傾未來既時候啦」。《阿斯報》稱沙比阿朗素希望同皇馬續約，但《國家報》記者認為，佢唔會留响皇馬，佢既合同將會係明夏到期。由今夏皇馬天價引入伊拿拉文迪就睇得出，佩雷斯既未來計劃入面已經冇左沙比阿朗素。
據英格蘭《每日星報》透露，利物浦主帥羅渣士已經說服左一直想要令球隊年輕化既老闆，紅軍將會盡力追求沙比阿朗素。一黎，沙比阿朗素係响利物浦達到職業生涯巔峰。二黎，佢離隊果陣只係同賓尼迪斯嘈交，同紅軍領導層同埋球迷並未有爭拗。三黎，沙比阿朗素可以自由轉會，免費得到強援係一件令人開心既事情。