摩帥冬季欲收購哥斯達，馬體會神鋒標價3500萬鎊 精選

歐聯3:0完勝史浩克04，第100次為車路士首發既托利斯梅開二度。一如摩連奴之前所言，佢已經逐漸搵番最佳狀態。不過，車路士鋒線今個賽季既整體表現仲係令人不敢恭維。星期三出版既《每日鏡報》披露，為左奪冠大業，摩連奴打算係冬窗增補中鋒，正正係今季紅得發紫既迪亞高哥斯達。
摩連奴重掌車路士教鞭，球隊今季初既表現唔太穩定。摩帥都坦言，如今呢支藍軍無法好似佢第一次教既果隊藍軍咁。姐係話，車路士既陣容尚未到完美無缺既地步。摩帥所言不假，車路士唔缺入球，但前鋒線得分卻寥寥可數。英超拼搶激烈既大環境，伊度奧仲需要慢慢適應；托利斯狀態復蘇，但需要表現更加穩定；丹巴巴亞，就已經淪為醬油角色，佢並未入到摩帥既法眼。
始終將奪冠放响第一位既摩連奴，唔會坐視鋒線疲軟既現狀唔理。 《鏡報》指出，狂人已經向球會發出左一月增補中鋒既申請，馬體會神鋒迪亞高哥斯達成為摩帥心儀既對象。夏天買唔到朗尼，打算响冬窗再度尋槍。

今季馬體會戰績彪炳，入球不斷既迪亞高哥斯達係首功之臣。西甲10輪過後，佢狂轟11球，力壓美斯同C朗（均為8球）獨居射手榜首位。結束既歐聯小組賽，馬體會客場3:0大勝奧地利維也納，迪亞高哥斯達延續神勇，交出梅開二度既漂亮成績單。
如今，世界冠軍西班牙同足球王國巴西，都為左迪亞高哥斯達爭得如火如荼。水漲船高。哥圖斯今季強勢崛起，佢既身價自然都會猛升。《鏡報》稱，馬體會好可能會比哥斯達標出3500萬英鎊既價碼，車路士願唔願意拎出呢個高價仲係一個未知數。