安察洛堤睇中米蘭隊長，明夏或挖來代替阿朗素 精選

目前既AC米蘭隊內有號召力既球星越黎越少，而僅有既幾名優秀球員都受到歐洲其他豪門既引誘，例如AC米蘭隊長蒙杜利禾就同皇馬傳出緋聞。
蒙杜利禾上年夏天以自由身加盟AC米蘭，隨後立即成為左球隊既中場核心，甚至加盟AC米蘭僅189日後就戴上球隊隊長袖標。而今年夏天岩布仙尼離隊後，加盟球隊僅僅一個賽季既蒙杜利禾更被任命為米蘭隊長，打破左AC米蘭隊長任命一向論資排輩既傳統，由此都可以睇得出AC米蘭對蒙杜利禾既重視。
不過今季蒙杜利禾既狀態明顯下滑，而且傷病逐漸增多，令AC米蘭球迷對呢位新任隊長感到失望。但蒙杜利禾依然獲得西甲豪門皇馬既關注，據《mediaset》報導，皇馬主帥安察洛堤非常睇好蒙杜利禾，並且希望能引入佢作為銀河艦隊既中場大腦，取代下季將要自由離隊既阿朗素。
安察洛堤既戰術入面需要一位中場調教者，但目前皇馬隊內既基迪拿、伊拿拉文迪等人都難以承擔呢個責任，基迪拿仲因此受到西班牙媒體既批評。而安察洛堤認為，蒙杜利禾可以好似當年派路响AC米蘭一樣，成為皇馬既中場指揮官。目前安帥已經向皇馬高層明確表示，希望能夠引入蒙杜利禾，同伊拿拉文迪組成新既主力搭檔。蒙杜利禾同AC米蘭既合同係2016年到期，雖然目前佢身為AC米蘭隊長，但《mediaset》認為，如果皇馬能夠開出一份可觀既報價，AC米蘭大主管加利亞尼都會願意放人。只係派路離隊後AC米蘭既成績曾經歷過起伏，如今好唔容易搵到蒙杜利禾呢位中場新核，如果再度輕易放人，可能對正在重建既AC米蘭再度帶黎重創。