名記曝法卡奧不願意轉投皇馬，將在三大豪門中選擇新球會 精選

皇馬要係明夏買中鋒，已經唔再係秘密。賓施馬總係俾皇馬球迷送上噓聲，莫拉達同謝斯洛迪古斯都係年輕左小小。C朗本人最欣賞法卡奧，佩雷斯都期待得到佢。《點球點》之前甚至曾經宣稱，佩雷斯同法卡奧已經達成左明夏加盟既口頭協議。但《機密報》一位名記就宣稱，法卡奧本人並唔願意加盟皇馬。值得一提既係，呢位名記同佩雷斯關係極佳，佢被視為皇馬主席既媒體傳聲筒之一。
法卡奧係摩納哥過得並唔開心，佢的確想係明夏轉投其他球會。但係係法卡奧心目中，皇馬並唔係佢既下家名單入面。法卡奧細細個就係個皇馬球迷，但係佢認為自己係皇馬得唔到自己想要得到既野。皇馬已經為C朗同巴爾支付左天價年薪，白衣軍團唔可能滿足法卡奧稅後1400萬歐元既年薪要求。
從球隊戰術角度而言，法卡奧都認為皇馬未必適合自己。如果巴爾最終被定位為內切型右翼既話，咁任何中鋒係皇馬都會踢得好尷尬。C朗同巴爾兩翼內切後輪流發炮，中鋒頂多只能夠做啲門前撿漏既工作，而唔會擁有更多既開火權。對於法卡奧黎講，呢種戰術地位無辦法令佢滿意。
從感情上黎講，法卡奧都唔希望傷害馬體會球迷。阿古路曾經想投奔皇馬，但係宜家係曼城安定左落來，法卡奧認為自己都應該學習阿古路。法卡奧係馬體會真正由球星變為巨星，佢唔希望自己被\俾馬體會球迷視為叛徒。據《機密報》透露，法卡奧真正既目的地，將會係巴黎聖日耳門、曼城同車路士之間產生。佢希望新東家既願意為佢提供高工資，又能夠有足夠既媒體關注度。巴黎聖日耳門並唔缺前鋒，但係卡塔爾皇室都唔缺錢，聖日耳門願意收購任何有可能得到既球星。曼城同車路士都係金元足球既老牌代表，呢兩大豪門都缺乏頂級中鋒。尼格度能力尚可但係傾唔上頂級，托利斯、伊度奧同丹巴巴亞係車路士既表現就一直被球迷話。