藍軍防中成奧斯爾代替人選，拉美利斯一月或投皇馬！ 精選

英超7輪踢完，被公認為今季奪冠大熱既車路士係積分榜僅列第3，表現差強人意。若要論藍軍陣中自賽季開始以來既一個半月時間內發揮最為穩定既球員，巴西國腳拉美利斯肯定係其中一個有力既候選。
不過近期，據《每日星報》既消息稱拉美利斯有可能係1月離隊，而佢既潛在下家竟然係摩連奴既老東家皇馬。據悉，之前有西班牙媒體報導話皇馬主帥安察洛堤已經同自己既教練團隊具體商量左冬季引援名單，而拉美利斯係意大利人既首選，皇馬方面甚至願意出價1500萬英鎊。《地鐵報》稱如果拉美利斯真係如期加盟，皇馬就願意將阿朗素出售。

必須說明既係，拉美利斯係2010年加盟車路士果陣，現任皇馬主帥安察洛堤正好係史單福橋執教，兩人係藍軍有非常好既合作。此外，《每日星報》指皇馬係賣左奧斯爾之後受到球迷既指責，希望通過引入一名實力派球員緩解輿論壓力。目前銀河戰艦陣中既伊斯高顯然憑住賽季初段既良好發揮贏得主力位置，而基迪拉以及摩特歷鎮守既中央中場位置則略有缺陷。巴西人出色既奔跑能力即使放眼全歐洲，都係屈指可數。不過考慮到摩連奴同皇馬非常差既私人關係，呢筆交易實際操作既可能性其實並唔大。英國媒體《倫敦標準晚報》就直言：即使摩連奴真心想放走拉美利斯，但係巴西人既去處都絕對唔係班拿貝。

此外，據《每日快報》既消息摩連奴最近抓緊左冬季「尋槍」既工作，並已經將目光對準加拉塔沙雷前鋒耶馬斯。據悉，早先係夏季轉會市場階段，狂人就有將佢帶到藍軍既打算，不過係被告知其身價達到2000萬時，葡萄牙人暫時打消左念頭。不過事情係近期發生左轉機，由於車路士四大鋒將，除左出租既盧卡斯之外，托利斯、丹巴巴亞等人並無表現出令人信服既實力。《每日快報》稱摩連奴已經下定決心，甚至願意用現金加丹巴巴亞既方式交換耶馬斯。

值得一提既係，耶馬斯上季係39場比賽一共為加拉塔沙雷攻入32球，效率之高著非常嚇人。即使係歐聯賽場都屢有驚艷發揮，早前阿仙奴、利物浦同拉素都曾經同佢傳出緋聞。摩連奴更係對佢能力大加讚賞，摩帥曾經係接受采訪時稱「杜奧巴、史奈達同耶馬斯呢三人能夠係世界上任何一間豪門立足」。