皇馬冬季必追蘇亞雷斯，並挖里昂防中代替阿朗素！ 精選

係對哥本哈根果陣，賓施馬仍然無入波。唔出意外，佢今季五個主場全都聽到左噓聲。係比賽結束後，賓施馬宣稱「我明白球迷想得到咩」。《世界體育報》因此諷刺佢，五年既佢終於明白球迷心聲啦？係呢間加泰媒體睇黎，賓施馬又係度挽嘴上功夫。如果佢會變得勤奮，咁一早就勤奮啦，都唔洗等到宜家。安察洛堤都對佢失去左耐性，據《太陽報》報導話，安察洛堤有意係冬季收購蘇亞雷斯。
幾日前西班牙媒體就曾經透露，安察洛堤係冬季引援方面圈出左三個對象。伊巴謙莫域首先俾佩雷斯排除，一黎佢年齡唔細，二黎皇馬無可能俾佢做核心，三黎佢都無辦法踢歐聯淘汰賽。C朗最欣賞法卡奧，但係法卡奧已經明確表態，佢唔會係冬季離開摩納哥。皇馬最後既引援對象，都只係剩番蘇亞雷斯。蘇亞雷斯今夏就曾經同皇馬走得好近，不過利物浦始終拒絕放人。
據《太陽報》透露，皇馬冬季好可能會為蘇亞雷斯開出4500萬英鎊（約合5300萬歐元）既報價，呢個價碼足以打動利物浦高層。雖然話利物浦目前戰績唔錯，但係蘇亞雷斯本人唔希望繼續係英格蘭踢波，佢認為英格蘭媒體同球迷都戴住有色眼鏡睇佢。蘇七既個人意願，將會係決定呢場轉會成敗既關鍵所在。
沙維阿朗素既合同將會係明夏到期，目前黎睇佢續約可能性已經非常細。皇馬原本買黎伊拿拉文迪頂替佢，但係西班牙國青防中既表現非常低迷。伊拿拉文迪加盟皇馬之後就立刻養傷，如今佢雖然傷愈復出，但係球場表現就非常一般。據法國《Le10sport》雜誌透露，皇馬如今睇上左里昂防中高拿隆斯。高拿隆斯目前24歲，佢10歲就加盟里昂青訓營，20歲時升上一隊。目前高拿隆斯一共為里昂出場左148次，佢攻入左8球並送出左6次助攻。自從2011年起，高拿隆斯一共為法國國家隊出場左6次。不過皇馬面對住激烈既競爭，拿玻里同摩納哥都希望得到呢名身高1米87既法國防中。