卡斯拿斯自薦AC米蘭遭拒絕，將一定離開皇馬！ 精選

卡斯拿斯同AC米蘭之間既緋聞，已經傳左一段時間。卡斯拿斯真係要離開皇馬？答案似乎係肯定。意大利一位名記係佢既tiitter上曝出黎自Sky Sports既內部消息，卡斯拿斯係琴日主動自薦於AC米蘭，但係就遭到左紅黑軍團既拒絕。
「星期一晚上既炸彈！卡斯拿斯自己主動聯繫左AC米蘭，我既消息黎自於意大利Sky Sports。但係至少係現階段，AC米蘭拒絕左卡斯拿斯既自薦。」呢位名記既呢則twitter，即刻係意大利同西班牙媒體圈入面引發左地震。

今年夏天，AC米蘭從皇馬免費得到卡卡。宜家，紅黑軍團係唔係真係要簽埋皇馬隊長？向來老謀深算既加利亞尼，拒絕對呢件事進行公開表態：「卡斯拿斯？係一月份冬季轉會市場開啟之前，我唔打算傾呢個話題，我地都係唔好拎呢個問題講笑啦。」

卡斯拿斯點解咁想離開皇馬？答案好明顯。卡斯拿斯係皇馬失去左主力位置，佢只能夠係歐聯入面搵番比賽感覺。對於卡斯拿斯黎講，咁唔足以保證佢能夠以主力身份參加明夏既世界杯。係皇馬前主帥卡比路睇黎，安察洛堤推行既門將輪換制實在有啲離譜。「皇馬有兩個偉大門將，我了解佢地兩個，因為我地係2007年合作過。佢地都好出色，令我從中做出選擇都好難。」卡比路係接受《阿斯報》採訪時講到，「我好難理解一人踢聯賽另一人踢歐聯既安排，門將位置唔能夠好似中場咁一直輪換。呢個位置更加微妙，不過我認為卡斯拿斯去踢世界杯肯定無問題。」