英媒列出阿仙奴冬季五大潛在轉會！ 精選

阿仙奴係夏季轉會窗關閉之前及時以創球會轉會費紀錄引入奧斯爾，雲加同高層一改謹慎性格豪擲5000萬歐元將德國國腳從班拿貝帶到酋長球場。但係近日一名阿仙奴名宿認為球隊係夏季轉會期未能成功引入一位頂級前鋒會令阿仙奴追逐錦標既道路存在隱患，而呢一個觀點都迎合左大部分槍迷既心聲——雲加需要將一名合格既中鋒帶到阿仙奴同基奧特形成良性競爭。
奧斯爾既加盟或者蒙蔽左球迷既眼睛，但係球隊存在既問題可能一觸即發，後衛位置無進補，防中位置僅僅免費簽番舊將法明尼，若果阿仙奴係聖誕節前後仍能夠保持係爭冠行列，咁雲加有理由都有能力去引入一啲球員黎補強陣容深度，《givemesport》就列舉左阿仙奴五大潛在既交易。
 5、米卡里察士

阿仙奴既法國右閘沙格拿仍然係度同球隊進行續約談判，係法國鐵衛仲未係合同上簽名之前，雲加已經為沙格拿找左替代者——26歲既曼城後衛里察士。里察士強壯既身體以及唔驚身體對抗既比賽風格正係阿仙奴所缺少既，英格蘭人同樣能夠擔當起後防領袖既責任。若阿仙奴能夠成功引入里察士，咁沙格拿即使收穫新合約都會成為常規替補。
4、艾殊利威廉士

阿仙奴係夏季轉會中曾經向史雲斯問價威爾士隊長，但係最終兩間球會之間未能達成一致。但係威廉士承認自己渴望企上歐聯賽場，或者阿仙奴係冬季轉會窗入面仍然有機會簽下史雲斯鐵衛。威廉士係後場處理波好得當，防守強硬並且狀態穩定，並且能夠勝任中堅同右閘既位置。
3、米祖

另一名黎自史雲斯既球員係夏季轉會窗入面都同阿仙奴失之交臂。米祖係英超處子球季一共為球隊出場43次攻入22球，其中18球聯賽入球。一年之內，米祖身價暴漲十倍，史雲斯期望係2500萬英鎊既價位上將西班牙人出售，咁都嚇退左好多追求者。米祖並唔係一名正牌前鋒，但係佢攻城拔寨既能力並唔差過任何英超前場球員。雲加希望引入米祖黎豐富球隊既戰術套路。

2、迪斯高

呢位波黑前鋒係今夏或者只係阿仙奴既D計劃。柏歷堅尼讚賞迪斯高既能力，並全力確保前德甲神鋒係球會入面既主力地位，但休佢既表現並唔完全匹配智利工程師既信任。尼格度既神勇狀態，祖維迪既橫空出世，阿仙奴報價另一名世界級前鋒既失敗，雲加開出既可觀轉會費同年薪都有可能成為迪斯高馳援酋長球場既重要因素。1、蘇亞雷斯

毫無疑問，烏拉圭人係雲加夏季轉會期既首要目標。26歲既南美神鋒同阿仙奴既進攻能夠完美融合。佢同奧斯爾既配合或者能夠令槍迷好期待。雲格會係冬季轉會窗入面向呢位爭議前鋒發出號召。