英媒曝連拿已經同巴塞簽協議，租借期滿後直接加盟！ 精選

响呢個夏天，利物浦收購左新特蘭門神米奴列之後，將昔日既絕對主力連拿租借去拿玻里。《每日快報》披露，呢個賽季租借期滿後，利物浦球迷都唔會再見到連拿，因為佢已經同巴塞簽左加盟協議。

之前，有消息指巴塞主力門神域陀華迪斯會係呢個夏天離開魯營，巴塞打算將連拿買番黎頂替。點知最後，域陀華迪斯決定再效力巴塞一年，等到出年先以自由身離隊。而連拿自己都宣稱，佢會尊重域陀華迪斯既選擇，並且繼續留响利物浦。
當時，連拿公開表示，佢好難拒絕巴塞：「你好難會對巴塞say no，雖然我未有收到呢個球會既任何消息，我好冷靜。轉會傳聞從未停止過，但我同利物浦仲有合同在身，我响利物浦過得好開心。」

不過，咁樣一黎，利物浦一定要有兩手準備，羅渣士最終由新特蘭買左米奴列，連拿係利物浦既情況都急轉直下，並最終被租借去拿玻里。隨後，連拿公開批評利物浦唔尊重自己：「我好失望，因為佢地冇首先同我講，我認為我配得上更好既對待。」
「我的確講過如果巴塞黎求購我，我會考慮，但如果冇，我都會願意同利物浦續約。我同主教練講，我想要為利物浦效力，巴塞只係一個選擇，就好似傳聞講咁樣，果個係我番屋企既機會。但我並未有得到競爭既機會，我好振驚利物浦話係因為考慮到球會既利益將我租借出去。」
不過，新援米奴列係新賽季表現非常搶眼，頭3輪幫助利物浦一球不失，還扑出一球12碼，幫助紅軍登上英超榜首。如無意外，利物浦都會同意响明夏將連拿賣俾巴塞。