祖雲達斯或季尾續約派路，兩核心支持大佬留隊！ 精選

夏季轉會窗關閉，祖雲達斯高層重心轉向續約隊內骨幹，維達爾即將延長合同，新星普巴續約都只係時間問題。奪冠功勳派路卻受到冷落，祖雲達斯總部尚未有續約派路既想法，但據《都靈體育報》報導，响保方同捷連尼既「助攻」下，祖記有可能為意大利國腳開出為期1年既新合同。
派路2011年夏天自由轉會至祖雲達斯，斑馬軍團煥發又一春，以核心身份帶領球隊連奪意甲冠軍。但歲月不饒人，年過34歲既派路，上季後半段對抗能力同體能等競技指標，都有明顯下滑，歐聯兩戰拜仁等關鍵比賽入面更加係狀態全無。正因為咁，派路進入合同年既情況下，祖雲達斯始終未有同佢續約既表態。派路不滿高層冷淡，無幾久前佢就話「唔續約最多咪走人」。
祖雲達斯唔肯表態，唔代表派路明夏一定離開祖雲達斯。 《都靈體育報》披露，眼下祖雲達斯忙於續約維達爾同普巴，但已經制定左針對派路續約既方針：睇定啲。姐係話，賽季前半段，斑馬軍唔會考慮同派路續約，而係等賽季臨近結束，根據呢位老將既整體表現，再決定續唔續約。
如果派路仍能保持高競技水準，祖雲達斯將會為佢開出為期1年既新合同，但年薪唔會調整，仍維持係現有既350萬歐元，同時附加球員表現同埋出勤率掛鉤既浮動獎金。祖雲達斯有咁既打算並非毫無理由，話哂賽季結束後，派路將年滿35歲，出年夏天巴西世界杯無疑都會消耗佢大部分精力，而退出國家隊後，失去重要動力既派路會唔會依舊神勇，宜家仲講唔定。係續約時間同獎金等問題上斤斤計較，雖然好似冇咩人情味，但能最大限度保證祖雲達斯既利益。據悉祖雲達斯高層仲未就派路續約一事，向幾位更衣室領袖徵求意見，結果兩位大佬保方同捷連尼都講出「冇問題」既答覆。兩人既態度無疑會成為派路續約談判中既重要籌碼，但起到決定作用既，仲係派路自己。