2013夏季轉會頭二十：巴爾最貴，奧斯爾費蘭尼最後時刻！ 精選

2013年夏季轉會市場既窗口已經關閉，各隊球隊既引援工作都已完成。等我們黎回顧一下呢個瘋狂既夏天都有邊啲球員轉會值得我地關注。係呢到，列舉左新賽季20大身價球星。
第二十名：提亞高（拜仁，2500萬歐元）
提亞高追隨恩師哥迪奧拿去到拜仁，拜仁為左佢俾左2500萬歐元。
第十九名：莫天奴（摩納哥，大約2540萬歐元)葡萄牙球星由波圖加盟到摩納哥，身價為2150萬英鎊，大約2540萬歐元。
第十八名：祖維迪（曼城，大約2600萬歐元）
祖維迪以2600萬歐元既身價，由費倫天拿黎到曼城。
第十七名：米希達恩（多蒙特，約2800萬歐元）
一位大家並唔係太熟悉既亞美尼亞球星，從薩克達加盟多蒙特，身價2380萬英鎊，約合2800萬歐元。
第十六名：蘇達度（熱刺，3000萬歐元）
前華倫西亞球星蘇達度以3000萬歐元加盟熱刺。
第十五名：伊斯高（皇家馬德里，3100萬歐元）
西班牙新一代球星，係馬拉加成名後加盟皇馬，身價達到3100萬歐元。
第十四名：馬金奧斯（巴黎聖日耳門，大約3200萬歐元）
年僅19歲既巴西超新星馬金奧斯以2750萬英鎊，約合3200萬歐元加盟巴黎聖日耳門。第十三名：費蘭尼（曼聯，大約3200萬歐元）
比利時球星費蘭尼係轉會結束前壓哨加盟曼聯。身價大約3200萬歐元。
第十二名：拉美拿（熱刺，3500萬歐元）
小將拉美拿由羅馬加盟熱刺，身價達到3500萬歐元。
第十一名：希古恩（拿玻里，3700萬歐元)
前皇馬前鋒希古恩今夏轉投意甲新貴拿玻里，花費左3700萬歐元。
第十名：葛斯（拜仁，3700萬歐元）
上季帶領多蒙特闖入歐聯決賽既德國超新星葛斯加盟拜仁，身價為3700萬歐元。
第九名：韋利安（車路士，3700萬歐元）
呢筆樁轉會應該能夠載入歷史，車路士硬生生咁從熱刺手中搶到韋利安。本來韋利安基本加盟熱刺，但係車路士老闆阿布同韋利安前東家安治進行談判，最終以3700萬歐元成交。第八名：伊拿拉文迪（皇家馬德里，4000萬歐元）
皇馬既又一位90後超新星，可能係皇馬簽下既最貴本土球員，身價達到4000萬歐元。
第七名：費南甸奴（曼城，大約4100萬歐元〉
曼城主帥柏歷堅尼欽點既球員，最終成功說服曼城老闆以3500萬英鎊大，約4100萬歐元簽下。
第六名：占士洛迪古斯（摩納哥，大約4500萬歐元）
又一位出自歐洲出名既「黑店」波圖既球員，波圖一向高價售賣球員。哥倫比亞球星占士洛迪古斯以4500萬歐元加盟摩納哥。第五名：奧斯爾（阿仙奴，5000萬歐元）
最出乎意料既交易，阿仙奴係最後一刻以創球會最高身價紀錄既5000萬歐元簽下奧斯爾。
第四名：尼馬（巴塞羅那，5700萬歐元）
尼馬嫻熟既技術，快速既跑動以及富有創造性既踢法贏到巴塞既青睞，最終以5700萬歐元簽下巴西球星。
第三名：法卡奧（摩納哥，6000萬歐元）
成名於馬體會既哥倫比亞球星法卡奧以本年度第三身價既6000萬歐元加盟摩納哥。第二名：卡雲尼（巴黎聖日耳門，6400萬歐元）
今夏眾多球員湧向法甲，卡雲尼都唔例外。烏拉圭鋒霸以法甲第一身價既6400萬歐元加盟巴黎聖日耳門。同時都係今個年度既第二高身價。
第一名：巴爾（皇馬，9100萬歐元）
2013足球壇最熱既搜尋詞絕對非巴爾所屬。鬧左成個夏天既肥皂劇終於結束。巴爾順理成章成為2013轉會市場既標王。以史上第二身價既9100萬歐元加盟豪門皇家馬德里。