巴塞明夏將清洗丹尼爾，馬天奴欽點南美中堅 精選

最近兩年，媒體一直盛傳巴塞要清洗丹尼爾艾維斯。 2012年夏天，哥迪奧拿既離去佢既命運有所改變。今年夏天，巴塞就留住丹尼爾艾維斯遊說尼馬。出年夏天，巴塞終於打算送走佢啦。根據ESPN報導，巴塞將會係2014年夏天清洗丹尼爾艾維斯。
30歲既丹尼爾艾維斯，合同將會响2015年六月底到期，巴塞唔打算同佢續約。考慮到丹尼爾艾維斯既年齡、狀態同合同，巴塞打算係出年夏天將佢送上轉會市場。丹尼爾艾維斯本人都冇响巴塞退役既打算，佢曾經無數次表態，只要巴塞表示唔需要佢，佢就會即刻搵新東家。
巴塞之所以敢於清洗丹尼爾艾維斯，係因為儲備左足夠出色既右後衛。馬田蒙度耶係巴塞今季仲未出過場，但响國家青年隊入面，皇馬既卡華積只能夠做替補。一旦丹尼爾艾維斯離開，馬田蒙度耶就唔洗擔心自己既未來，佢既續約都係順理成章既事。而且巴塞仲有艾祖安奴，佢左右全能，上季甚至仲客串過中堅。
中堅位置上，巴塞仍等待佩奧爾復出。一旦佢既狀態不佳，巴塞就會响冬季引入新中堅。對於新中堅，巴塞要求有實力、有潛力、身價唔太高、可以踢歐聯淘汰賽。想同時滿足呢幾個條件，巴塞只可以由南美引援。《世界體育報》指出，馬天奴非常欣賞河床既20歲中堅巴蘭特。1米81既巴蘭特出道於河床青訓，佢今年先升入一隊，但已經為河床出場左13次攻入2球。