PSG四千萬求購柏度！ 精選

巴塞主力陣容入面，柏度可能係最被低估既球員。但係轉會市場上，就有豪門意識到柏度既價值。據《馬卡報》報導稱，巴黎聖日耳門為柏度開出4000萬歐元既報價！
4000萬歐元收購柏度？巴黎聖日耳門報價絕對夠大口氣。事實上，巴黎最明白柏度既偉大之處。係上季歐聯八強入面，柏斯托利既入波一度將巴塞推到懸崖既邊緣。隨後為巴塞打入關鍵入球既，咁岩就係柏度！而係世界杯預選賽關鍵之戰，柏度又係法蘭西大球場攻入全場唯一一球，幫助西班牙超越法國重新拎番小組頭名寶座。
從目前情況黎睇，柏度並唔願意離開巴塞。一黎柏度係巴塞培養出黎，二黎佢暫時力壓尼馬出任主力左邊鋒。就算未來尼馬係左路首發，柏度都有機會去右路同山齊士競爭一下。不過我地唔能夠睇少羅素既既「能力」，如果巴黎真係報價4000萬歐元既話，羅素可能會為錢接受呢一個報價。