卡巴耶：我願意加盟阿仙奴，宜家只係睇轉會費。 精選

阿仙奴1000萬英鎊報價紐卡素中場卡巴耶被駁回後，英國權威媒體《天空體育》稱卡巴耶本人樂意加盟阿仙奴，如果阿仙奴報價達到1800萬到2000萬英鎊，紐卡素會考慮放人。
賽季首戰主場1:3輸俾維拉後，憤怒既阿仙奴球迷呼籲雲加打開銀包買人，而阿仙奴好快1000萬英鎊報價紐卡素既法國中場卡巴耶。不過咁近似侮辱性既報價立即被駁回。喜鵲指出阿仙奴此舉只係為左平息球迷既憤怒，並無誠意。
《天空體育》披露卡巴耶本人樂意加盟阿仙奴，因為佢想踢歐聯，而紐卡素就無緣歐洲賽場。喜鵲雖然口口聲聲話唔放人，但如果阿仙奴攞出足夠既誠意，佢地會考慮出售卡巴耶。若果阿仙奴報價達到1800萬到2000萬英鎊，《天空體育》稱卡巴耶有望係轉會窗關閉前穿上紅白球衣。紐卡素都曾經堅持唔賣卡路爾，但係利物浦開價3500萬英鎊後，佢地好爽快咁放人。
雖然卡巴耶2011年轉會到紐卡素果陣身價唔夠500萬英鎊，但係係英超出彩後，卡巴耶既價位係2000萬英鎊上下，而且佢既合同仲有3年，貴為法國隊主力中場。傳聞巴黎聖日耳門主帥布蘭克都對佢好有興趣：「我地仍舊想收購更多既球員，宜家我只能夠話我鍾意卡巴耶。」