俄超勁旅3000萬緊追文迪蘇傑！

係今季既歐聯資格賽最後一輪既較量入面，俄羅斯勁旅辛尼特客場4:1大勝葡萄牙球隊費利拿，一隻腳已經踏入歐聯小組賽階段。
曾經奪得過歐冠盃既辛尼特希望新賽季係歐聯會有好既表現，球隊都希望係轉會窗口關閉前引入幾個有實力既球員。德國媒體爆料話，辛尼特既體育主管已經同拜仁前鋒文迪蘇傑既經紀人傾過，希望引入克羅地亞射手。
辛尼特取得一場大勝之後，已經基本鎖定左一個歐聯小組賽席位，球隊都抓緊時間引入強援。近日德國媒體《圖片報》爆料話，聖彼德斯堡既引援目標係拜仁射手文迪蘇傑。

據稱，辛尼特既體育主管已經同文迪蘇傑既經紀人會面，交流左消息。德國媒體《圖片報》爆料話，辛尼特願意為文迪蘇傑開價3000萬歐元。目前文迪蘇傑拜仁既合同到2016年先到期，球員本人傾向於留係歐洲三冠王踢波。