巴塞新中堅人選或選擇簽巴黎前隊長！ 精選

巴塞決心要响今夏轉會窗口關閉前引入一名中堅，大衛雷斯、維頓漢、艾加都成為收購目標，但呢啲球員都係所屬球隊既骨幹，引入難度都幾高。如果巴塞願意轉換一下思路，可以出價求購法國國腳沙高，因為據法國媒體《隊報》最新消息，沙高希望今夏離開巴黎聖日耳門。
現年23歲既沙高成名極早，17歲就完成左巴黎聖日耳門一隊既處子秀，並拎到三年合同。此外，佢仲曾經係17歲零8個月成為左巴黎聖日耳門隊長，令佢刷新左兩項超凡紀錄：巴黎聖日耳門史上最年輕隊長，法國聯賽史上最年輕隊長。然而，隨住巴黎聖日耳門近年黎連簽阿歷斯、堤亞高施華等頂級中堅，沙高响隊內既處境就不斷下滑。
2009/10同2010/11賽季，沙高全年出場分別係39次同埋45次，但係近兩個賽季就縮水為26次同34次。隨住主力位置不保所出現既另一件事係，佢既續約談判已經暫停，球員本人原本希望可以續約至2016年，而目前呢份合同就將於明夏到期。
對於未來應該點，沙高日前表示：「我正等待主帥同主席談判，至於我本人，如今我响腦海入面總算諗清楚一啲野。我將會係不久既未來睇下究竟會發生咩事，而我都會作出決定。」沙高既言論係《隊報》睇黎可以等同於佢想離開巴黎聖日耳門，因為佢覺得自己要去一支可以打上主力既球隊，咁就有助於佢出年夏天代表法國隊參加世界杯。沙高有左離隊既諗頭，咁佢最應該轉投邊支球隊？想簽佢既球隊有好多，AC米蘭同利物浦都覬覦左佢好耐。不過，前法國後防名將杜林睇黎，沙高理應轉投急缺優秀中堅既巴塞。杜林建議沙高去巴塞既原因係，杜林職業生涯末期曾經係巴塞效力，佢知道果到崇尚住一種點既足球哲學，如果沙高前往巴塞就有望响最短時間內融入球會。
巴塞關注沙高都唔係一兩日既事，上年之所以未能將佢引入，原因就係巴黎聖日耳門拒售，球員本人亦無意轉會，如今巴塞就迎黎左可以低價網羅沙高既機會。如果巴塞可以同巴黎聖日耳門就沙高轉會達成共識，咁小將巴特拉離隊就無懸念。