基迪拉主動聯繫巴黎聖日耳門，為轉會做好準備！ 精選

係摩連奴時代，基迪拉係皇馬主力防中，但係宜家佢已經唔係安察洛堤眼中既寵兒。據《馬卡報》透露，基迪拉已經通過經紀人聯繫左巴黎聖日耳門，佢主動向法甲衛冕冠軍示好。為左避免因為係球會做替補而影響明夏世界杯前程，基迪拉考慮離開班拿貝。
係熱身最後階段，安察洛堤放棄左聖誕樹陣型，皇馬陣型又變番4-2-3-1。咁都就意味住，皇馬只能夠有兩名防中球員首發。摩特歷基本鎖定左一個首發名額，佢被安察洛堤視為中場靈魂。卡斯米路既表現非常出色，佢被視為皇馬花600萬就撿到既寶貝。沙比阿朗素傷勢漸漸痊癒，佢最快有可能係今個星期復出。伊拿拉文迪雖然仲養傷，但係考慮到佢3800萬歐元既天價，安察洛堤就無可能唔用佢。雖然基迪拉仍然有一定既競爭力，但係已經唔再係絕對主力，德國人因此希望換個東家。
係中鋒位置上，皇馬如今只有賓斯馬呢一個實力派球員。係上季歐聯四強入面，利雲杜夫斯基曾經係迪亞高盧比斯面前上演大四喜。係多蒙特入決賽之後，佩雷斯曾經會面利雲杜夫斯基並邀請佢加盟皇馬，不過當時利雲杜夫斯基想去拜仁，佢拒絕左皇馬主席。不過據《點球點》報導稱，利雲杜夫斯基宜家改左主意，如今佢願意奔赴班拿貝。
利雲杜夫斯基原本同拜仁草簽左一份協議，但係多蒙特始終拒絕放佢加盟死敵。利雲杜夫斯基最終明白，佢今夏係無可能加盟拜仁。利雲杜夫斯基同多蒙特既合同將會2014年夏天到期，到時佢就能夠自由轉會拜仁。不過《點球點》透露，利雲杜夫斯基宜家又唔想去拜仁。波蘭中鋒認為，佢無辦法適應哥迪奧拿既體系，去拜仁已經唔係佢最理想既選擇。《點球點》認為，如果皇馬宜家邀請利雲杜夫斯基，波蘭人一定會接受。但係該欄目同時指出，皇馬如今追求利雲杜夫斯基既可能性好細。一黎皇馬目前主攻巴爾，二黎安察洛堤好認可莫拉達同謝斯，呢兩名小將將會成為賓斯馬既替補。