安治老闆唔玩啦！所有球員都被掛牌，伊度奧或將重返意甲 精選

對於巴黎聖日耳門、曼城同摩纳哥咁樣既球會黎講，球隊差唔多就係老闆既玩意，佢地既命運同背後金主既喜怒哀樂息息相關，俄超新貴安治就係一個活生生既例子。由於老闆克里莫夫對球隊目前戰績不滿，佢砸落去既金錢未能換黎期望之中既收穫，俄羅斯富豪已經打算抽身退股。曾經响轉會市場馳騁風雲既俄羅斯球隊如今處於大動蕩之中，主帥離任，包括伊度奧在內既所有大牌球員都被球會掛牌。
自從2011年以黎，克里莫夫已經為呢間俄超球隊投資近2億美元，其中以史無前例既2050萬美元年薪由國際米蘭簽下伊度奧更加係吸引左唔少眼光。但高投資並未有帶來高回報，安治响俄超既前4輪入面一場不勝，僅僅以2分排名俄超第13位，係股市損失慘重既克里莫夫已經開始想退股。安治既動盪由7月底希丁克辭職已經初見矛頭，就算响一月佢地仲用左3500萬歐元從薩克達簽下巴西中場韋利安。接替希丁克既前曼聯助教梅倫史甸執教只有16日就被宣布離任。
安治主席已經係Twitter證實克里莫夫「撤退」既言論：「克里莫夫先生已經同左我地講，球會既運營方式將會徹底改變，一啲身價不菲既球員將會離開，球隊年度預算將會削減5000萬至7000萬美元，球隊將會更注重於青年隊建設。咁姐係話安治隊中一啲高價高薪既球員例如伊度奧、韋利安以及迪亞拉等球員將會被推入轉會市場。」
曾經效力於國際米蘭既伊度奧受到意大利媒體最多關注，獵豹有可能番到去佢熟悉既意甲。32歲既喀麥隆人曾經幫助國米贏得三冠王，但如今致力年輕化既藍黑軍團已經好難接納呢位昔日功臣。一名著名市場專家認為，拿玻里可能成為獵豹既新東家。拿玻里正尋找一位新前鋒，而賓尼迪斯都曾經執教過伊度奧，拿玻里有望趁住呢個動盪黎引入獵豹。英國媒體都傳出消息，摩連奴既車路士都有意簽下呢位雄風猶在既射手。但無論投奔意甲定係英超，伊度奧都必須大幅降低自己既薪水，佢接近1700萬英鎊既年薪係任何球會都難以承受。