西媒曝皇馬分六年付款購巴爾，第一次只需付2000萬歐元 精選

皇馬1.2億買巴爾？由雲加睇黎，簡直係個笑話。但係係佩雷斯運作下，好可能成為又一個商業開發既經典案例。據《阿斯報》透露，熱刺同皇馬已經基本談妥左巴爾既付款方式，皇馬只需要為佢進行分期付款。皇馬今夏首付2000萬歐元，剩餘款項將係六年內俾清。《馬卡報》都指出類似既講法，唯一既區別在於該報宣稱皇馬要五年內為巴爾俾清所有款項。
轉會費方面，雙方已經基本傾掂，巴爾身價將為1.2億歐元。皇馬首付只需要支付2000萬歐元，其他款項分期付款就得。「搭頭」問題上，雙方暫時仲未傾得成。預計係8月初，熱刺主席列維將會係美國同佩雷斯正式敲定合同細節。
係「搭頭」問題上，干查奧已經基本確定將要加盟熱刺。皇馬已經決定唔俾佢係美國踢熱身賽，葡媒宣稱佢已經同熱刺達成一致，身價達到3000萬歐元。皇馬仲希望將迪馬利亞當成「搭頭」送俾熱刺，不過熱刺主席列維更加想要錢。熱刺反而點名想要莫拉達，不過皇馬唔放走新魯爾。由目前情況黎睇，干查奧好可能將係唯一既「搭頭」。咁姐係意味住，皇馬最終將用干查奧加9000萬歐換黎巴爾。
9000萬歐元現金絕對唔係小數目，但係如果分期付款既話，對皇馬黎講都唔算得係咩。除左2000萬歐元首付款之外，皇馬六年中平均每年只需要為巴爾支付1170萬歐元。考慮到佩雷斯既商業運作能力同巴爾既商業價值，巴爾為皇馬賺到既錢每年都可以唔止呢個數字。講白啲，皇馬等於用巴爾未來賺到既商業收入，黎支付佢既分期付款轉會費。咁樣皇馬就唔需要係今夏面臨太大既現金流動壓力，同時都令皇馬能夠得到威爾斯人。