拿玻里再挖皇馬球員，艾比路亞收到報價！ 精選

自從賓尼迪斯入主拿玻里之後，意甲亞軍就成為左皇馬既B隊。到宜家為止，拿玻里已經從皇馬收購左三名球員。卡利祖、艾比奧爾同希古恩，全部都係由皇馬轉投拿玻里。據《世界體育報》透露，拿玻里仲想從皇馬挖走第四名球員，艾比路亞收到左1200萬歐元既報價。
艾比路亞當年係皇馬B隊踢中堅，成名果陣係因為左右雙閘出色，宜家就主要踢右閘。拿玻里睇中左艾比路亞，正正係出於對佢全能性既欣賞。考慮到艾比路亞已經30歲，拿玻里既報價都算係良心價。
係摩連奴時代，艾比路亞一度係皇馬既主力右閘，佢係拉莫斯改踢中堅既最大受益者。但係係上季後半段，艾比路亞既位置俾艾辛搶走，佢既狀態有較大幅度既下滑。皇馬今夏從利華古遜回購卡華積，咁被視為艾比路亞將被正式邊緣化既信號，卡華積係上季德甲表現最出色既攻擊型右閘之一。係更衣室入面，艾比路亞更加係皇馬既唔穩定因素之一。因為摩連奴，皇馬更衣室出現既分裂。艾比路亞企係摩連奴呢邊，佢曾經多次公開批評球隊入面有自私鬼，並因為咁得罪左卡斯拿斯，《點球點》之前話兩人已經幾個月無傾過計。賣左艾比路亞？卡斯拿斯絕對無意見。