巴塞敲定法比加斯三大替身！ 精選

按照英格蘭媒體既講法，小法已經對曼聯點頭，宜家就睇曼聯同巴塞可唔可以傾掂佢既轉會費。巴塞口口聲聲話唔放人，但唔排除係曼聯開出高額報價時放走前阿仙奴隊長既可能性。據《世界體育報》透露，巴塞有可能係4000萬歐元既價位上放人。巴塞甚至已經幫法比加斯搵好替身，一旦小法離開魯營，巴塞就將會選擇馬達、萊斯同根度簡之間收購一人。
由《世界體育報》睇黎，馬達係上述三人中唯一唔能夠估計身價既，因為要同阿布、摩連奴談判將極為艱難。除非摩連奴唔需要馬達，否則車路士10號好難披上巴塞戰袍。由目前情況黎睇，摩連奴清洗馬達既可能性唔大。不過如果馬達真係被推上轉會市場既話，佢將成為巴塞重要既追求目標。馬達可以勝任攻擊線上除左中鋒外既任何位置，佢雖然技術唔夠出色，但可以彌補巴塞遠射差既軟肋。考慮到馬達係皇馬青訓出身，巴塞如果得到佢既話，可以被視為對死敵既重擊。
萊斯既身價，被估算為3400萬歐元。萊斯堪稱進攻線上既多面手，佢能夠踢兩邊翼鋒，又可以移到踢攻中，佢甚至仲可以客串偽中鋒。眾所周知，當美斯無辦法出場時，巴塞往往由法比加斯黎客串偽中鋒。24歲既萊斯仲係個出名既大賽型球員，佢總係能夠係大賽有出色既表現。上季，萊斯係歐聯入面令皇馬吃足苦頭。而就係冇幾耐，萊斯又面對拜仁梅開二度。
巴塞同根度簡既緋聞，都已經傳左好耐，佢既身價被估算為2700萬歐元。根度簡係多蒙特主踢組織型防中，但係佢都曾經係紐倫堡踢攻中。上季係歐聯入面，根度簡既表現極為出色，佢都因此得到好多豪門既關注。根度簡已經拒絕同多蒙特續約，佢原本打算係明夏離隊。根度簡既合同將係2015年到期，明夏佢既賣價肯定低於真實價格。如果巴塞報價夠理想既話，唔排除多蒙特今夏將佢襯高拋售既可能性。