華倫西亞失蘇達度將追托利斯！ 精選

據英國媒體《每日郵報》既報導：西甲球隊華倫西亞準備引入目前正係車路士效力既西班牙國腳費蘭度托利斯。
據悉，由於頭號前鋒蘇達度已經離隊，為左保持係西甲既競爭力，華倫西亞引入一名實力派前鋒已經刻不容緩，為左咁佢地瞄準左最近2季係英超表現唔好既托利斯。蝙蝠軍團新帥係接受西班牙當地既媒體果陣，已經公開表示，球隊係賣左蘇達度掙番2600-3000萬英鎊，已經令球隊有實力追逐托利斯，非常有可能係今夏將佢帶番西班牙。
華倫西亞當地既報紙更加係表示蝙蝠軍團已經同車路士有過接觸，詢問左車路士出售托利斯既可能性。不過大多數既輿論並唔睇好呢樁交易，因為華倫西亞購買托利斯最高只願意出價2500萬英鎊，同托利斯從利物浦轉會車路士既5000萬英鎊轉會差一半，除左轉會費既差距，托利斯目前超過17萬磅既週薪都係三方談判既問題，財政不佳既華倫西亞肯定唔願意繼續支付托利斯係車路士既合同。
華倫西亞上季係西甲排名第五，下季將會出戰歐霸盃賽場，球隊為左加強鋒線，目前除左希望托利斯加盟之外，仲緊盯緊曼聯既小豆同葡萄牙國腳普斯迪加。