皇馬熱刺傾掂巴爾轉會一事！ 精選

係八月初，《阿斯報》就俾皇馬球迷帶黎一個好消息。據該報係頭版頭條報導指，皇馬已經同熱刺就巴爾既轉會達成左口頭協議。巴爾既身價，將會係1.2億歐元，咁將會創造世界足球壇歷史之最。不過雙方唔會立刻官方宣布巴爾既轉會，熱刺會係為佢敲定替身之後再正式放走巴爾。
係最近一段時間，皇馬一直同熱刺高層進行談判。皇馬主要負責談判既，係CEO，不過佩雷斯都一直對呢件事保持住高度關注。熱刺方面既代表，就係主席列維。列維原本堅持唔賣巴爾，但係由於巴爾態度堅決要去皇馬，列維最終只能改變立場。
《阿斯報》明確指出，巴爾既施壓，係列維改變心意既關鍵所在。係熱刺亞洲行果陣，巴爾就係球隊入面詐傷，並表態要去皇馬。熱刺拒絕左巴爾既要求，巴爾既回應係罷賽。今個星期二，巴爾父母向熱刺施壓。琴日，巴爾本人再次逼熱刺，佢又一次表達左加盟皇馬既決心。
巴爾既一再強逼，令熱刺最終放棄左佢。保阿斯首先表態，如果遲早要賣走巴爾既話，佢寧願可以早啲將佢出售，以便用佢既轉會費完成引援。熱刺既幕僚團隊都令列維相信，既然巴爾唔願意留低，咁強扭既瓜絕對唔會甜。最終列維決定出售巴爾，並且同皇馬係1.2億歐元既價位上達成左口頭協議。關於呢筆錢既支付方式，雙方仲未最終確定。熱刺希望能夠將干查奧、迪馬利亞、莫拉達其中既一人或多人作為搭頭，不過皇馬唔願意放走莫拉達。如果係搭頭問題上傾唔掂既話，皇馬就有可能直接支付1.2億歐元既創紀錄轉會費。
雙方已經就巴爾身價達成口頭協議，但係列維要求係佢確定新援之後再完成交易，佢不願意出現巴爾離隊新援難買既​的極端狀況。