巴爾：熱刺你好俾我加盟皇馬啦！ 精選

英國《太陽報》27日帶黎重磅炸彈：熱刺拒絕左皇馬為巴爾開出既8100萬英鎊報價！威爾士人非常憤怒，佢當面告訴熱刺高層，佢想加盟皇馬。
巴爾上季勇奪職業球員工會、記者協會同英超官方三項賽季最佳，「大聖」成為熱刺門面、英超招牌。呢個夏天，皇馬同曼聯兩大豪門頻繁同巴爾聯繫到一齊，一場競價戰睇黎在所難免。

傳聞曼聯準備6000萬英鎊報價巴爾，而皇馬誠意更足。《太陽報》今日既獨家新聞指，皇馬已經以8100萬英鎊報價巴爾，但係熱刺選擇左拒絕！8100萬英鎊，咁打破左C朗2009年夏天轉會皇馬時創造既轉會費世界紀錄（8000萬英鎊）。
《太陽報》援引皇馬喉舌《馬卡報》既消息指出，24歲既巴爾同熱刺主席列維本來有君子協定，只要熱刺收到「令人激動既報價」就會接受。但係熱刺居然拒絕左皇馬既8100萬英鎊報價，咁令巴爾非常憤怒。

據了解，巴爾已經同列維攤牌，並且明確表達左轉會皇馬既諗法，「你曾經俾過我承諾。你承諾我話，如果我地無辦法殺入歐聯、一份好既報價出現，你會聽架。宜家，咁既報價到左啦，我想為皇馬踢波。請遵守你既諾言並同皇馬談判啦。」
熱刺同香港南華既友誼賽之前，熱刺主帥保阿斯證實，球會同巴爾既續約談判「正在進行」。巴爾錯過左熱刺遠東之行首戰，保阿斯聲稱巴爾臀部有傷需要休息，但係巴爾身邊既人士證實，威爾士人完全具備上場既標準。