熱刺為防止巴爾決心赴皇馬，欲以超過15萬週薪續約！ 精選

據《每日郵報》報導，熱刺為左防止皇馬既窮追不捨會令巴爾萌生去意，準備同威爾士人簽訂新合同，據悉新合約週薪將超過15萬英鎊。
雖然熱刺一直強調巴爾係非賣品，但西甲豪門皇馬並未有放棄追求既念頭。係香港不敵新特蘭既比賽後，記者又再次向主帥保阿斯追問巴爾轉會既問題，而保阿斯就咁答，「我唔想再係呢個問題上不斷重複自己講過既說話，我唔會再講啲咩，因為應該講既我都已經係賽前新聞發布會上講過。」
但係日前《機密報》揭露皇馬即將向熱刺開出1億歐元既報價，咁樣令熱刺略感惶恐。為左避免夜長夢多，熱刺最終都係決定同巴爾進行續約談判。主席列維認為正係巴爾既影響力，熱刺先可以獲得贊助合同，所以為巴爾開出超過15萬英鎊既周薪並無唔妥。