藍軍未來隊長遭巴黎4000萬強挖！ 精選

車路士主帥摩連奴日前表示：「用佢地兩個（馬達同大衛雷斯）入面既一個換購朗尼？絕對冇可能！」狂人岩岩講完，《每日郵報》即時帶黎獨家消息話，阿仙奴準備挖角馬達。法國媒體《le10sport》亦有透露，巴黎聖日耳門欲購被阿布視為車路士未來隊長既大衛雷斯，並已經準備好4000萬歐元預算。
巴黎聖日耳門想簽大衛雷斯既消息唔算新鮮，上季結束後，《太陽報》、《每日郵報》等英國媒體就曾經透露此事，當時巴黎聖日耳門之所以無發起攻勢，原因就係安察洛堤去留未定，後來佢轉投皇馬，布蘭克接任。如今布蘭克確認絕對唔會將堤亞高施華賣俾巴塞既同時仲希望球會盡一切努力由車路士引入大衛雷斯。
布蘭克認為，大衛雷斯係阿歷斯既最佳替身，後者有可能稍後離隊，此外，由於大衛雷斯同堤亞高施華係巴西國家隊就係搭檔，因此佢地如果都身處巴黎聖日耳門，默契指數無需質疑。巴黎聖日耳門主席將會親自出面搞談判呢單轉會，目前巴黎聖日耳門方面已經備好4000萬歐元收購預算，但係加價既可能性唔算太大，而車路士就放出風聲話，如果報價無5000萬歐元，雙方就冇必要浪費時間。
大衛雷斯會唔會俾巴黎聖日耳門撬走？問號會係今夏拉直。但係泰利既未來係唔係長期屬於車路士就好難講，現年32歲既佢合同將於明夏到期，而摩連奴就於日前表示，就算佢相信泰利既能力，但係都無辦法俾泰利未來任何保證。「泰利既位置並唔安全，佢自己其實都心知肚明，眼下唯一可信既事實就係我地之間有著偉大既友誼，但係從職業角度黎講，每個人既位置都唔安全。」摩帥咁講。