堤亞高施華：求下PSG你放我去巴塞 精選

係中堅位置上，堤亞高施華係巴塞最想得到既球員。《每日體育報》幾天前曾經宣稱，堤亞高施華同巴塞就佢個人待遇達成左一致，佢接受左巴塞一份五年合約，年薪係七八百萬歐元左右。《世界體育報》就透露，堤亞高施華將好快會見巴黎聖日耳門高層，並請求巴黎同巴塞展開自己既轉會談判。
堤亞高施華目前正度假緊，佢將會係假期結束後番巴黎聖日耳門，並同主席見面，要求巴黎同巴塞展開自己既轉會談判。目前PSG拒絕出售堤亞高施華，巴塞因此無辦法正式啟動引援談判。巴塞因此將希望寄託係堤亞高施華本人身上，如果巴黎尊重堤亞高施華個人意願既話，雙方代表將正式坐係談判枱前。
堤亞高施華想離開巴黎，都係情理之中既事。安察洛堤已經走左，李安納度都辭職。堤亞高施華當初之所以選擇加盟巴黎，正係源於佢同李安納度良好既交情。係洲際國家盃期間，尼馬同丹尼爾一再勸堤亞高施華加盟巴塞，維蘭路華都曾經通過電話向巴西隊長發出過邀請。