卡雲尼加盟PSG迫使伊巴謙莫域低價轉投皇馬或車路士 精選

卡雲尼即將以超過6000萬歐元既高價登陸巴黎聖日耳門，法甲冠軍隊將出讓部分主將以平衡收支，話哂烏拉圭神鋒都將會得到8位數既高昂年薪，而首當其衝既就係巴黎聖日耳門上季絕對進攻核心伊巴謙莫域。黎自意大利媒體既消息話，瑞典神塔將會轉投車路士或者皇馬，而最低1500萬就可以入手。
根據意大利媒體《Mediaset》透露，卡雲尼既到來令伊巴謙莫域無意繼續留係巴黎聖日耳門，雖然之前瑞典神塔曾經同祖雲達斯傳出過緋聞，但係佢既經紀人已經反復強調以意甲球隊目前既財力，根本無可能負擔得起伊巴謙莫域薪金要求。目前最有可能引入伊巴謙莫域既係皇馬以及車路士兩間，摩連奴同安察洛堤都係同伊巴謙莫域有過默契合作既主帥，而呢兩支豪門球隊都可以俾得起1200萬歐元既年薪。
車路士同巴黎聖日耳門競爭卡雲尼既過程中落敗，米蘭一早宣佈艾沙拉維今夏唔會賣，都斷絕左藍軍強挖小法老王既念頭，所以，重返英格蘭既摩連奴將視線投向執教國米期間曾經深得自己器重既伊巴謙莫域，畢竟個性率直既伊巴謙莫域視摩帥為值得效命既主帥，而以佢目前既狀態，都可以令車路士既戰鬥力得到提升。一旦簽左伊巴謙莫域，皇馬方面就會放棄收購蘇亞雷斯。
而皇馬就係收購巴爾同蘇亞雷斯既交易中都遭遇障礙，送走希古恩之後，銀河戰艦勢必引入前場強援，上季係安察洛堤帳下受到重用既伊巴謙莫域無疑係個唔錯既選擇。雖然伊巴謙莫域既巨額年薪會為新東家帶黎唔少既負擔，但係瑞典神塔既轉會價格並唔高，最低1500萬就可入手，至多都唔會超過2000萬歐元。
雖然已經年過30，但係伊巴謙莫域既身體狀況仍然保持得相當理想，上季係巴黎聖日耳門首度完成職業生涯單賽季聯賽30+入球就係證明，雖然法甲既強度無辦法同英超以及西甲相比，但係以伊巴謙莫域目前既狀態，完全能夠係頂級豪門既進攻線上起到重要作用。