法甲兩大巨頭花費巨資勢必成功搶到C朗 精選

係續約問題上，C朗同皇馬之間一直有住巨大既分歧。C朗認為球會無對佢體現出應有既誠意，佩雷斯既唔願意俾佢全額肖像權，亦都唔願意俾佢2000萬歐元既世界最高年薪。合同將會係2015年夏天到期既C朗，目前並未有同皇馬續約既計劃，佢係班拿貝並唔開心。 咁樣令到佢做左轉會市場上既搶手貨。據《世界體育報》報導稱，巴黎聖日耳門同摩納哥都希望能夠係今夏收購C朗。
巴黎聖日耳門係法甲近年黎第一支靠燒錢崛起既球隊，佢地買到伊巴謙莫域、堤亞高施華、柏斯托利、盧卡斯、拿維斯等眾多明星。不過係鋒線上，巴黎聖日耳門仲有所擔憂。伊巴謙莫域想離開法甲，佢甚至未有進入新賽季首次集訓既大名單，新帥布蘭克願意俾時間黎解決轉會問題。一旦伊巴謙莫域離開巴黎聖日耳門，佢地就需要尋找一名新既當家射手，佢地睇中既就係C朗。
摩納哥雖然係法甲升班馬，但係就係第二支靠燒錢崛起既法甲球隊。係呢個夏天，摩納哥以6000萬歐元既天價收購法卡奧。就算已經得到左老虎，但係摩納哥仍然希望繼續增強鋒線引入C朗，俄羅斯老闆期望一步到位直接躋身豪門行列。當地時間星期四，C朗岩岩好係摩納哥現身。雖然C朗係去參加一項商業活動，但係佢出現係摩納哥仲係引發左媒體既猜測。
C朗原本既計劃，係留係皇馬到合同到期，然後再自由轉會尋求大合同。不過巴黎聖日耳門同摩納哥都願意為佢開出天價合同，咁意味住C朗今夏就會轉會，佢照樣唔會係經濟上蝕底。考慮到明夏C朗既身價將因為合同問題而大幅度下跌，今夏都的確係皇馬將佢出售既最佳時機，如果佩雷斯確實無辦法同佢完成續約既話。
據《世界體育報》透露，巴黎聖日耳門為C朗開出左2000萬歐元既稅後年薪，呢個係世界最高薪。而摩納哥就試圖打動皇馬，為C朗開出左一億歐元既轉會報價。《世界體育報》認為C朗如果要離隊既話，更有可能選擇巴黎聖日耳門，因為摩納哥踢唔到歐聯。