曼聯打算續約迪基亞+加薪防止巴塞挖角 精選

上季曼聯奪得史上第20個頂級聯賽冠軍頭銜，西班牙門將迪基亞居功至偉。英格蘭媒體披露，紅魔已經準備同呢位表現日趨穩定既後生仔續約，一方面係論功行賞，另一方面都係希望藉此打消巴塞等其他豪門對迪基亞既興趣。
2011年夏天，雲達沙退役之後，費格遜用1780萬英鎊既高價收購左年紀輕輕既迪基亞，費爵爺認定佢係紅魔未來十年既主力門將。過去兩個賽季，費格遜令迪基亞同連迪加特競爭上崗，費格遜認為呢種良性競爭對兩人都有益處。經歷過糟糕既開局之後，迪基亞逐漸係呢場位置競爭中穩固左自己一號既位置。
22歲既迪基亞係撲救近距離射門時既神級反應令人印象深刻，但對待高波既出擊同判斷、對待遠射既判斷實力仲有待提高。另外，身高1米93既迪基亞過於瘦長，需要加強身體力量。上季，迪基亞既表現有左明顯改善，佢無數次高接低擋化解對方攻勢，為曼聯奪得聯賽冠軍保駕護航。
對於迪基亞呢位有功之人，曼聯要加佢人工。迪基亞目前既周薪只有5.5萬英鎊，同唔少大牌隊友相差甚遠。 《太陽報》指出，今年夏天，曼聯將會同迪基亞既經紀人進行會談，紅魔打算加佢人工，將佢既周薪調高到7.5萬英鎊，並且將合同從2016年延長到2018年。迪基亞岩岩幫助西班牙U21洲際國家盃衛冕冠軍，佢宜家係唔少豪門增補門將既熱門選擇。皇馬前主帥摩連奴曾經考慮用佢黎接替遭封殺既卡斯拿斯，而現如今，對迪基亞最感興趣既係巴塞。域陀華迪斯已經宣布唔會同巴塞續約，佢既合同出年夏天就將到期。邊個黎接替域陀華迪斯？迪基亞就被巴塞視為理想之選。