安帥清洗名單曝光！ 精選

如今既皇馬已經正式進入安察洛堤時代，引援同賣人都將由佢親手決定。據《馬卡報》最新消息，安察洛堤已經擬定左一份清洗名單，卡卡、希古因、迪馬利亞、干查奧、卡利祖、阿丹、赫蘇斯呢7名球員都俾安帥視為可以出售之人。
卡卡被安帥視為清洗對像有啲意外，話哂安帥之前曾經有表示：「我好了解卡卡，我會同佢一齊工作，並令佢發揮出最佳水準。佢係唔係離隊？我就要睇睇佢既訓練情況之後再作出決定，宜家佢仍然係皇馬球員。」

安帥唔願意直言「卡卡可以離隊」，但係皇馬高層就非常想年薪1000萬歐元既卡卡快啲走人，《馬卡報》表示，隨住伊斯高既加盟，以及稍後仲會有頂級中場黎到班拿貝，卡卡既未來並唔明朗，如果球會決心出售卡卡，安察洛堤沒辦法提出反對意見，因為佢都好清楚，卡卡既狀態實屬未知。
希古恩既情況係，安察洛堤並唔了解佢，而球員本人因續約加薪未果就係度尋求轉會，眼下無論西班牙定係英國媒體都認定，希古恩轉投阿仙奴只係時間問題，成交價預計能夠達到2200萬英鎊，而希古恩就將會係槍手攞到15萬英鎊既周薪。
迪馬利亞同干查奧唔係安帥計劃入面既原因係，前者需要為巴爾騰出位置，後者既防守能力令安察洛堤對此產生疑慮，安察洛堤更加希望皇馬能夠引進禾夫斯堡左後衛羅德里格斯並令佢取代干查奧。至於卡利祖、阿丹、赫蘇斯等人，安察洛堤原本就無將佢地當成下季皇馬一線隊既必須品，卡利祖目前已經收到左黎自拿坡里、費倫天拿、利物浦既邀請，佢預計會係下星期完成轉會。阿丹同赫蘇斯係皇馬後備門將，前者想去一間可以做主力既球會，後者亦都係。
不過《馬卡報》同時都有指出，上述7名球員未必全部都會俾皇馬清洗，更加有可能發生既情況係，其中2個或4個離開班拿貝，而佢地係走係留就仲需要取決於新援引入情況。