連拿表態願意去更大豪門發展，巴塞阿仙奴準備出價 精選

上季，傳統豪門利物浦既成績依然唔見有咩起色，英超排名第7，歐霸既參賽資格都未能夠攞到。咁慘淡既戰績令晏菲路人心思動，除左蘇亞雷斯，連拿同樣未來唔明朗。日前，連拿明確表示，佢願意去一間影響力比利物浦更大既豪門發展。咁無疑係為轉會至巴塞敞開左大門。
係晏菲路8年，連拿見證左利物浦既起起伏伏，佢隨隊經歷左興衰榮辱。利物浦如今陷入沉淪，連拿難免會想換個環境。連拿並無自斷歸路，佢強調佢仲願意繼續為利物浦效力，「我宜家既情況好明確，我同利物浦既合同仲剩番3年，不過我永遠唔say no。」
「我係利物浦過得好開心，我係呢到幾滿意。」留係利物浦佢都唔反對，跳槽到一支更有前途既豪門佢都會心動，「好明顯，如果我有機會提高自己，去到一間更大既球會，我當然會考慮。但係如今，確實有一啲球會比利物浦更具影響力，我相信球會理解呢一點。」
《太陽報》指出，連拿既呢番說話，必定會引起阿仙奴同巴塞既注意。雲加一直對連拿好欣賞，佢希望用呢位西班牙國門黎頂替表現唔穩定既舒捷斯尼；至於巴塞，連拿出自拉瑪西亞青訓營。域陀華迪斯已經宣布下季合同到期後會離隊，一直有傳聞指巴塞希望將連拿帶回家。連拿係利物浦名副其實既老臣子，係加歷查退役之後，只有隊長謝拉特服役既時間長過連拿。不過，利物浦連續無緣歐聯，咁對於連拿提高佢係國家隊中既地位係不利。如今正係洲際國家盃既連拿，好擔心自己未來仲係只能擔任卡斯拿斯同域陀華迪斯之後既三號門將。