皇馬有意祖雲達斯老將派路 精選

祖雲達斯係最近兩季連奪意甲冠軍，除左主帥干地之外，意大利中場派路都被視為係斑​​馬軍團兩連冠既大功臣，佢既到來令祖雲達斯搵到左一位真正既中場核心。不過近日意大利媒體透露，派路好可能係今年夏天告別祖雲達斯，而今次邀請佢加盟既係西甲豪門皇馬。
係摩連奴離開之後，皇馬新主帥既最大熱門就係安察洛堤，目前皇馬正同巴黎聖日耳門協商安帥既解約金問題，不過歐洲足壇一致認為，安帥入主皇馬已成定局。而安察洛堤對皇馬提出既第一個引援要求就係派路，當初係米蘭果陣派路就係安帥既手下愛將，並都係安帥既指導下派路成長為世界級防中。安察洛堤認為，雖然派路目前已經34歲，但係依然保持住非常好既狀態，能夠係自己既球隊入面發揮關鍵作用。
與此同時，祖雲達斯主帥干地就考慮係新賽季變陣為4231陣型，維度爾同普巴被視為主力防中既人選，而防守能力同跑動範圍都不足既派路係隊內好可能被邊緣化。此外，派路同祖雲達斯既合同剩番一年就到期，祖雲達斯目前只願意同這位老將再續約一年簽至2015年，而皇馬就可以為派路提供一份為期三年既新合同，咁同樣令派路萌生去意。《全祖雲達斯》話，只要皇馬開價800萬至1000萬歐元，祖雲達斯就會同意出售派路。