史浩克04與多蒙特爭奪泰路 精選

據《圖片報》報導，魯爾區死敵史浩克04同多蒙特同時睇中左21歲既巴塞新星泰路，佢地將會就此展開一場場外既轉會打比大戰。泰路被認為係當今西班牙最有潛力既前鋒之一。
多蒙特想用泰路黎替代以3700萬歐元轉會拜仁既金童葛斯。市場價值1000萬歐元既泰路既優點係，佢可以係左路同中路充當攻擊手。巴塞以5700萬歐元引入左同樣21歲既尼馬之後，留比泰路上場既機會將會好少，呢名西班牙21以下國家隊球員係上季22場西甲比賽中斬獲左7個入球。
史浩克04就更加想租借泰路，佢地陣入面已經有一名同樣租借黎至巴塞既球員，27歲既阿費利。史浩克經理就話：「呢種球員一定要一直關注，魯爾同阿費利咪就係咁樣黎既。」
係陣中走左一個前鋒之後，史浩克04必須引入一名同亨特拉爾搭配既前鋒，而泰路就成為左佢地既目標。