今年夏天十大轉會熱門！ 精選

7月1號，歐洲足球壇轉會窗口即將打開，到時又能夠見到新援著住新球衣同主帥微笑地出現係充滿閃光燈既新聞發布會上面。今年好受歡迎既尼馬、法卡奧同沙夏三人都已經完成轉會，而跟住轉會市場上仲會出現邊啲萬眾矚目既球星呢？近日《太陽報》算出今夏最熱門既十大轉會目標，其中巴爾以8000萬英鎊既身價高居榜首。
巴爾 (熱刺)
身價：8000萬英鎊
求購者：皇馬、車路士、曼城、曼聯、拜仁

熱刺天王巴爾係當今世界足球壇最炙手可熱既一名新星，被譽為當今足球壇僅次於美斯C朗既第三大球星，所以威爾士人引發一股爭奪戰。皇馬已經將巴爾視為今夏引援既頭號目標，而曼聯都一直搵緊頂替2009年C朗離隊後既空缺，但係熱刺方面希望通過大幅度加薪挽留巴爾。
卡雲尼 (拿坡里)
身價：5400萬英鎊
求購者：曼城、巴黎聖日耳門、車路士

烏拉圭前鋒卡雲尼係今夏第二位熱門轉會目標，今季佢係意甲攻入29球，高居射手榜榜首，並幫助拿坡里以聯賽亞軍既成績取得下季歐聯參賽資格。據悉，曼城已經同卡雲尼達成初步協議，而波黑前鋒迪斯高有可能被加入呢筆交易入面，但係曼城同時仲要面臨巴黎聖日耳門同車路士既激烈競爭。
蘇亞雷斯 (利物浦)
身價：4000萬英鎊
求購者：皇馬、馬體會、祖雲達斯、巴黎聖日耳門、拜仁

烏拉圭國腳蘇亞雷斯係世界上最備受爭議既球員之一，2011-2012賽季佢因為種族歧視艾夫華並拒絕握手言和而遭到輿論炮轟，今季又咬伊雲奴域既手臂被禁賽10場，但係蘇亞雷斯極高既入球效率仲係令唔少球會追捧，今季總共攻入23球，僅此於射手王雲佩斯。
法比加斯 (巴塞羅那)
身價：3500萬英鎊
求購者：曼城、曼聯

法比加斯自2011年加盟巴塞以黎，係出場既32場聯賽入面貢獻11球11助攻。上年歐國盃佢代表西班牙國家隊充當假前鋒既角色，俾球迷留低深刻既印象。雖然小法希望能夠繼續留係魯營，但係曼徹斯特雙雄仍然希望能夠挖到呢名前阿仙奴隊長。
大衛雷斯 (車路士)
身價：3500萬英鎊
求購者：巴塞羅那、拿坡里

自摩連奴重返車路士之後，有小小毛燥既大衛雷斯並唔受重見，因此被列入清洗名單。而巴塞早就已經將大衛雷斯視為中堅位置上既頭號引援對象，但係巴塞既出價距離車路士既要價仲差500萬歐元，未來仲存在一啲變數。
朗尼 (曼聯)
身價：3000萬英鎊
求購者：曼城、車路士、阿仙奴、巴黎聖日耳門、皇馬

係曼聯經歷換帥風波之後，朗尼決定離開奧脫福，因為佢並唔想踢中場。於是引起多間豪門既求購慾望，據悉PSG已經為朗尼準備好一份四年合約，週薪高達30萬歐元，而皇馬亦都提供高薪資引誘朗尼。
伊斯高 (馬拉加)
身價：2700萬英鎊
求購者：曼城

伊斯高係一名攻擊型中場，類似於曼城隊中既大衛施華同拿斯里。佢今季係西甲為馬拉加貢獻8球1助攻，隨住恩師柏歷堅尼加盟曼城，藍月亮引入呢位歐洲金童獎得主既機會變得更加大。
拜恩斯 (愛華頓)
身價：1500萬英鎊
求購者：曼聯

今季拜恩斯既表現相當搶眼，聯賽一共送出353次傳中球，位居英超榜首，而英格蘭人為愛華頓貢獻5球5助攻，成為英超第一帶刀左閘。係前主帥莫耶斯轉投曼聯之後，拜恩斯順理成章咁被認為將會追隨恩師一齊前往奧脫福。
賓迪基 (阿士東維拉)
身價：1500萬英鎊
求購者：馬體會、熱刺、利物浦

22歲既賓迪基係英超第一個賽季就一鳴驚人，一共代表維拉係34場聯賽入面攻入19球同有4次助攻，僅次於雲佩斯、蘇亞雷斯同巴爾。出色既表現導致多間球隊哄搶，馬體會有意將佢打造成第二個法卡奧，而備受賓迪基欣賞既阿仙奴都有可能加入競爭行列。
史奈達 (加拉塔沙雷)
身價：700萬英鎊
求購者：車路士

雖然史奈達即將年滿29歲，但係佢仍然係一名具備攻擊力既中場球員。隨著摩連奴加盟車唁 士，史奈達被媒體認為極有可能赴史單福橋同狂人共敘前緣，對於呢件事，史奈達本人保持開放態度。