熱刺打算豪購兩大神鋒配合並挽留巴爾！ 精選

落後阿仙奴1分排名第5，熱刺好遺憾咁錯失下季歐聯席位。白鹿徑總結後認為，鋒線唔給力係佢地壯志未酬既主要原因。英國媒體《太陽報》指出，熱刺痛下決心，打算砸3000萬英鎊打包收購韋拿同埋達米奧。
岩岩過去既呢個賽季，巴爾屢屢上演單騎救主既好戲，並得到業界表彰。威爾斯人當選職業球員工會（PFA）、英格蘭記者協會（FWA）同英超官方評選既三項最佳球員。不過，巴爾既強勢崛起，暴露出熱刺前鋒線既問題。
入波本來係前鋒既天職，結果就係巴爾黎為佢地遮羞。數據顯示，上季19個聯賽主場，熱刺僅僅攻入29球，係前八既球隊中排名墊底。熱刺有理想相信，今年一月未能引入一名新射手，係佢地無緣聯賽前四既原因之一。
熱刺主席當然唔想重蹈覆轍，於是賽季岩岩結束，熱刺就開始左尋槍既腳步。佢地急急咁同巴塞取得左聯繫，希望收購韋拿。尼馬既加盟將令「葫蘆娃」既日子更加難挨。巴塞要價1200萬英鎊，熱刺希望​​800萬固定+200萬浮動簽下韋拿。雙方差距唔大，《太陽報》都話「熱刺已十分接近完成呢筆交易」。一個韋拿係唔夠既，熱刺有意再次收購巴西國腳達米奧，預算為2000萬英鎊。23歲既達米奧呢幾年大紅大紫，2012年倫敦奧運會男足比賽，佢係會上最佳射手。今年一月，熱刺曾經為佢報價1600萬英鎊，但係遭到國際體育會既拒絕。
時隔半年，熱刺主席加價400萬二顧茅廬誠意十足。熱刺雄心勃勃打算收購韋拿同達米奧，自然令隊內既迪科爾同艾迪巴約前途蒙上陰影，尤其係艾迪巴約。上季，迪科爾表現唔錯，各項賽事貢獻15球，可以講係唔錯。但係佢既搭檔多哥人艾迪巴約就對唔住觀眾啦，區區8個入球實在有啲強差人意。
熱刺有意打包韋拿同達米路堪稱一箭雙雕，增補鋒線既同時，都係為左說服鎮隊之寶巴爾留隊。熱刺未能進軍歐聯，巴爾遭到歐洲眾多豪門既哄搶，佢既身價都水漲船高，達到驚人既6000萬英鎊。熱刺已經啟動應急預案，除左同巴爾談加薪續約之外，佢地仲雙管齊下，用收購韋拿同達米路等實力派球員既舉動黎打動大聖。