為籌集資金買巴爾，皇馬或將出售比比俾曼城！ 精選

皇馬準備出售球星中堅比比俾曼城，為收購巴爾籌集資金。
即將入主曼城既柏歷仙尼渴望得到作風硬朗既比比，相關經紀人仲希望皇馬同曼城達成球員互換協議，翼鋒迪馬利亞從皇馬轉會到曼城，換取迪維斯同一部分現金。然而，隨住利物浦前鋒蘇亞雷斯越黎越接近登陸班拿貝，皇馬對迪維斯似乎唔太感興趣。此外，新科法甲冠軍巴黎聖日耳門都希望得到阿根廷國腳迪馬利亞。傳聞中曼城隊長甘賓尼同巴塞聯繫埋一齊，如果皇馬真係能夠將比比賣俾曼城，將會有足夠既現金黎購買佢地既頭號目標熱刺紅星巴爾。
皇馬靜係打算為威爾士人報價6000萬英鎊，而曼聯、曼城、車路士同巴黎聖日耳門都已經明確表示，如果巴爾可以離隊，佢地將會報價8000萬英鎊競爭。咁樣令皇馬準備拼命籌集資金以贏得巴爾爭奪戰。雖然身價2000萬英鎊既比比可能會因此被犧牲，但係好難想像曼城願意為呢名充滿爭議既年滿30歲中堅支付咁多既轉會費。