雲格有意簽下祖雲達斯中場普巴 精選

據英媒報導，雲加準備係夏季爭購長期以黎既心儀目標普巴。阿仙奴主帥曾兩次試圖簽下呢位法國中場，佢將會認真出價，試探祖雲達斯留住普巴既決心。
普巴上年夏天拒絕同曼聯續約並加盟祖雲達斯，今季係國家隊同球會都有突出表現。即管呢位20歲小將狀態出色，但係槍手注意到佢係祖雲達斯並未紮根，上個月既都靈打比戰入面佢捲入種族歧視風波。係祖雲達斯爭奪意甲冠軍既過程中，對陣巴勒莫既比賽普巴仲因為向對方球員吐痰被紅牌罰下。
要爭購普巴既話阿仙奴可能要用好多錢，祖雲達斯並唔急於將佢出售，有可能要價至少1500萬英鎊。但雲加堅稱阿仙奴今年夏天將會參與高價球員既競購。佢地希望係佛倫天拿簽下黑山前鋒祖維迪，呢筆交易仲要多花費1000萬英鎊以上。
係普巴16歲果陣雲加就曾經試簽下佢，但曼聯最終搶走左佢。普巴長期以黎被稱讚為“下一個維拉”，雲加確信普巴會成長為槍手傳奇隊長維拉咁樣既球星。韋斯亞受傷病困擾，藍斯既表現時好時壞，雲加已經將簽下一名中場中路球員作為夏季引援既重點。