皇馬今夏大清洗，魔笛天使換巴利兩前鋒各散東西！ 精選

皇馬呢個賽季可謂經歷左一個失敗既賽季，西甲俾巴塞拋開13分失去聯賽冠軍，歐聯早早被淘汰而最有希望奪冠既國王杯就俾同城死敵馬體會意外擊敗。為左重整旗鼓，皇馬方面已經開始籌備下賽季既引援，宣佈解僱摩帥之後，皇馬係引援方面都將有所動作，據《馬卡報》報導，皇馬或將清洗5名球員。
《馬卡報》指，皇馬考慮引入強援既同時，都係到計劃緊清洗邊啲球員。據悉，皇馬打算出售希古恩、迪馬利亞、摩特歷、比比同賓施馬。雖然對於皇馬黎講，清洗球員似乎俾買人更難，不過今年夏天佢地既情況或者將有所不同，因為銀河戰艦所要清洗既球員都成為左轉會市場上既搶手人物。
目前最為搶手既莫過於阿根廷前鋒希古恩，好似祖雲達斯、車路士、曼城同阿仙奴等球隊都希望能夠得到呢名射手。據悉，意甲豪門祖雲達斯將為希古恩報價2500萬歐元，並將提供一份隨後600萬歐元既大合同。而黎自英超既三支球隊同樣對佢十分有興趣，阿仙奴方面將準備為希古恩報價1900萬英鎊，約合2200萬歐元；而另外兩支球隊車路士同曼城都隨時有可能增加報價金額。
另外皇馬十分希望能夠得到熱刺球星巴利，而為左得到呢名威爾斯人，皇馬好可能會用迪馬利亞同前熱刺中場摩特歷作為籌碼，以抵消部分轉會費。對於熱刺而言，如果失去巴利而得到摩特歷都算係一個比較好既彌補。另外，據《馬卡報》報導指，法甲勁旅巴黎聖日耳門都希望能夠得到摩特歷。
與此同時，中衛比比有可能會同柏歷堅尼一齊加盟曼城，而另一名葡萄牙人干查奧就有望轉會車路士。此外法國前鋒賓施馬或將會重返祖國，加盟巴黎聖日耳門。