祖雲達斯今夏將求購迪維斯！ 精選

祖雲達斯今季係意甲成功衛冕，但係主帥干地依然希望球隊繼續引援增強實力，力爭下季既歐聯賽場上都有所作為。而鋒線就成為今夏祖雲達斯引援既重點，斑馬軍團已經敲定左洛蘭迪，此外仲聯繫緊希古恩，而今個星期《都靈體育報》同《米蘭體育報》又同時報導，祖雲達斯正考慮引入另一位阿根廷前鋒迪維斯。
迪維斯係2009年加盟曼城，但係上季佢同主帥文仙尼發生矛盾，並一度離開球會番阿根廷。今季迪維斯重新獲得重用，係英超出場33次攻入11球助攻8次。不過迪維斯已經不止一次咁表示，自己有意離開曼城。考慮到迪維斯既合同將會係明年夏天到期，而且至今拒絕續約，為左防止佢係出年自由離隊，曼城都準備係今年夏天將佢出售。
據《都靈體育報》報導，祖雲達斯已經開始接觸迪維斯既經理人，並且願意為佢開出一份為期三年總年薪1800萬歐元既合同。要知道目前祖雲達斯乃至意甲球員既最高年薪都只就有600萬歐元，祖雲達斯呢次為迪維斯開出既已經係意甲既頂薪合同。不過對祖雲達斯不利既係，目前啱啱升上法甲既摩納哥都係度求購迪維斯，有俄羅斯富豪撐腰既摩納哥願意為迪維斯開出1000萬歐元既年薪。