皇馬等三間豪門有意史雲斯主帥米高勞特立!

足球轉會消息 於 26/05/2013 發表 收藏文章
據《每日鏡報》報導,皇馬、巴黎聖日耳門、摩納哥有意史雲斯主帥勞特立。丹麥人今季帶領史雲斯獲得聯賽杯冠軍,最近幾天佢擔憂球會做出既引援承諾無辦法兌現。
皇馬係有意史雲斯主帥米高勞特立既三大球會之一,摩納哥同巴黎聖日耳門既代表都接觸左勞特立既經紀人。

勞特立今季幫史雲斯獲得聯賽杯冠軍,呢個係球會歷史上第一個重要獎杯,而史雲斯面臨住失去呢位主帥既危險,除非可以說服佢同球會認真支持佢既提議。
勞特立同愛華頓都傳出過緋聞,但係丹麥人堅稱佢目前專注於留係自由球場,但係最近幾日,佢愈黎愈擔心球會係夏季引援方面做出既承諾可能無辦法兌現。勞特立希望租借車路士前鋒盧卡古,佢仲有意收購西維爾攻擊手莫拉爾同切爾達前鋒阿斯帕斯。但係佢擔心史雲斯更加專注於購買英冠球員,咁樣會阻礙下季球隊係歐霸入面既發揮。
如果史雲斯無辦法兌現佢既承諾,勞特立可能會更改留隊既決定,佢曾經作為球員為皇馬效力兩年,仲係西班牙執教過基達菲同馬略卡。

留言


請按此登錄後留言。未成為會員? 立即註冊
    快捷鍵:←
    快捷鍵:→