法國豪門摩納哥驚奇向利物浦詢問卡路爾價錢！ 精選

據《每日電訊》報導，正準備係今年夏天大展拳腳既法國豪門摩納哥令人意外咁向利物浦詢問左英格蘭高大中鋒卡路爾既價錢。
由於係晏菲路唔受重用，呢名前鋒今季被租借到左韋斯咸。係擺脫左賽初既傷病後，卡路爾係聯賽後半段逐漸發揮出威力，佢係最後12場聯賽中攻入6球，展示出良好既狀態。但係利物浦主帥羅渣士都係打算將呢名當初花費3500萬英鎊簽入既球星出售。
目前，韋斯咸以及卡路爾既老東家紐卡素都對佢好有興趣，但係，法國金主摩納哥令人意外咁都加入到呢場爭奪戰入面。啱啱升番法甲既摩納哥正準備係下季大做一番，為左咁球會既俄羅斯老闆願意係今年夏天投入巨資引入明星球員。佢地已經同卡雲尼、法卡奧等好多大牌前鋒聯繫一齊。
報導指，卡路爾只係佢地既後備方案，如果摩納哥唔能夠引入其他心儀人選，佢地先會考慮呢名英格蘭射手。