巴塞2014年鎖定22獵物,伊度奧領銜多名意外入選人物!

足球轉會消息 於 20/05/2013 發表 收藏文章
羅素向來中意用小錢辦大事,係呢個大前提之下,羅素就於日前正式啟動「2014計劃」。計劃既核心要點係,巴塞今年夏天會嘗試引入一啲合同將會係2014年到期既球員。《世界體育報》拎到巴塞考察名單,進入羅素視野既球員多達22人。羅素認為如果呢啲人今夏轉會,成交價將會低於市值,萬一買唔到,巴塞仲可以係出年夏天免費將佢地網羅。
呢份名單入面,市值+火熱指數最高既球員當屬尼馬同埋利雲度夫斯基,新比利被傳已經同巴塞草簽轉會協議,而且仲明確告知山度士,如果未來轉會,佢既首選就係加盟巴塞。至於皇馬、曼城、車路士呢啲球會,尼馬並未動心。同尼馬相比,巴塞收購利雲度夫斯基既難度就高得多。一方面,巴塞並未同多蒙特進行實質性接洽,皇馬、曼城、曼聯、拜仁就已邁出左呢一步;再講,球員本人更加傾向於轉投拜仁。
尼馬係羅素力爭網羅既新星,而阿積士新星中場艾歷臣,巴黎聖日耳門年輕副隊長沙高,薩克達防線拿傑斯基就係另外3名進入羅素關注視野既優質才俊。係呢到單獨介紹一下名氣相對較小既拿傑斯基,佢係薩克達青訓營出道,2009/10賽季升入薩克達一隊並有出色發揮。 2010/11賽季巴塞係歐聯8強決賽主場5-1大勝薩克達果場,為薩克達打入唯一一球既正係拿傑斯基。如今佢已經係烏克蘭國家隊後防骨幹。
羅素情定尼馬等新星之餘仲關注緊好多成名已久既球員同老將,《世界體育報》將呢啲人既名字逐一羅列,佢地分別係:蘭尼(曼聯)、維迪(曼聯)、艾夫拿(曼聯)、施捷斯尼(阿仙奴)、沙格拿(阿仙奴)、阿摩比達(畢爾包)、奇雲保定(米蘭)、馬杜迪(巴黎聖日耳門)、賓納特(貝迪斯)、埃里塞烏(馬拉加)、魯爾加西亞(馬體會)、希美特(馬略卡)、般奴艾華斯(聖彼德斯堡)、伊度奧(安捷)、迪維斯(曼城)、高路斯(拉素)、馬菲奧(華倫西亞)。
《世界體育報》係另一篇報導中著重強調,巴塞會盡全力收購華倫西亞左閘馬菲奧,呢名身高1米92既法國左腳將被巴塞視為了艾比度既最佳接班人,因為原本司職左後衛既佢今季後半段頻頻客串中堅並有上佳表現。此外巴塞仲覺得,如果馬菲奧能夠加盟,佢有望同佐迪艾巴係巴塞復刻當年華倫西亞既左路黃金走廊,佐迪艾巴加盟巴塞之前就係為華倫西亞效力,佢同馬菲奧已經練成傳心術。

留言


請按此登錄後留言。未成為會員? 立即註冊
    快捷鍵:←
    快捷鍵:→