朗尼承認自己打算同哥帥共事，拜仁已報價3000萬！ 精選

雖然曼聯已經提前奪得左英超聯賽冠軍，但係曼聯隊中仍然有一啲唔和諧既因素。係曼聯主場迎戰車路士既比賽入面，費格遜雪藏左朗尼，而係之前既幾場比賽入面，朗尼都好早就俾人換走，種種跡像都令媒體猜測朗尼將會係呢個夏天離開曼聯。據《鏡報》披露，朗尼係呢個夏天好可能轉會拜仁，轉會費為3000萬英鎊。
朗尼同費格遜既關係無以往咁融洽並唔係秘密，之前三場聯賽，朗尼都係被提前換走，而且係換走果陣球隊都無鎖定勝局並且自己無受傷，咁既情況係以往從無出現過。同時，朗尼係無耐前都因為唔滿意早早被換走而拒絕同費格遜握手。正係因為咁，已經打入歐聯決賽既拜仁向曼聯出左3000萬英鎊既報價，希望能夠收購朗尼。
據了解，朗尼私下係同隊友傾計既過程入面都透露過佢想加盟拜仁既諗法。小胖表示佢希望加盟一支有住深厚底蘊既球隊，同時佢仲希望能夠同著名主帥哥迪奧拿共事。除左拜仁之外，巴黎聖日耳門都對朗尼十分有興趣。雖然費格遜一直係媒體面前表示朗尼係球隊既非賣品，但係《鏡報》就透露費格遜已經默許左朗尼離隊。
係雲佩斯黎到曼聯之後，朗尼就從傳統中鋒既位置移到影子前鋒。而係轉會市場上面，曼聯同多蒙特中鋒利雲杜夫斯基都一直保持住緋聞。如果曼聯再黎一位世界級既前鋒，咁朗尼就只能夠再撤番黎踢攻中。到時朗尼既位置都將會非常尷尬，話哂宜家朗尼已經對佢係球隊所打既位置十分不滿。從目前種種跡象黎睇，朗尼選擇係呢個夏天離開球隊都係一件十分正常既事。