皇馬新帥定左9成，安察洛堤將攜2500萬神童加盟！ 精選

摩連奴賽季結束之後離開班拿貝睇黎係八九唔離十啦，對皇馬管理層黎講，目前最迫切既事自然就落係搵主教練既人選上面。據周三出版既《隊報》透露，皇馬選帥既工作都取得左重大進展，如果無大既變化，主席佩雷拉欣賞既安察洛堤將會係下季執教銀​​河艦隊。
安察洛堤統領既巴黎聖日耳門目前係法甲排名榜首，佢既球隊只要取得前三，根據合同佢就可以自動續約，然而巴黎聖日耳門既環境並唔能夠打動意大利人，一位球會工作人員話俾《隊報》記者知，雖然安察洛堤完全可以繼續留係巴黎，但係佢本人仲係更加傾向於去西班牙執教皇馬。
「安察洛堤睇黎並唔似繼續留係​巴黎聖日耳門。佢同皇馬既合約90%接近達成啦。」《隊報》就進一步透露左皇馬接觸安察洛堤既細節。上星期，皇馬特使前往巴黎專門同安察洛堤會面，雙方既談話相當深入，因為係對話入面安察洛堤分析左皇馬現有既球員，並就皇馬今年夏天球員轉會策略俾出左自己既意見。
種種跡像都係似表明安察洛堤加盟皇馬開始進入倒時，呢個係意大利教練第二次同皇馬密切接觸啦。2006年意甲爆發電話門事件，加上AC米蘭狀況唔好，安察洛堤當時曾經差啲就步入班拿貝大門，係雙方已經達成口頭協議既情況下，佢最終改變左主意，都係接受左貝盧斯科尼既挽留留左係AC米蘭。宜家睇黎，安察洛堤唔會空手前往皇馬，同佢一齊走人前往西班牙既仲有意大利神童華拉堤，呢名20歲既小將上年啱啱從佩斯卡拉轉會巴黎聖日耳門，好快就係名將如雲既PSG踢上左主力，佢既踢波風格有啲似派路。 《隊報》同《馬卡報》透露，華拉堤就係安察洛堤送俾皇馬既見面禮，皇馬為佢將會向PSG支付2500萬歐元既轉會費。