槍手紅軍追逐巴塞鋒線新星 精選

計埋租借完回歸同埋B隊升級既球員，巴塞今夏將會擁有35名球員，維蘭路華心目中理想既一隊編制為22人，咁樣姐係話紅藍軍團需要送走13個球員。响加泰媒體曝光呢一單消息之後，幾個巴塞後備立即成為轉會市場上既搶手貨。根據《每日體育報》報導稱，利物浦同阿仙奴都希望得到泰路。
泰路今季已經攻入8球，佢係美斯、韋拿、小白之後既巴塞四號射手。不過係鋒線上，泰路並唔係巴塞既主力球員。係邊鋒位置上，柏度洛迪古斯係紅藍軍團既一號人選，泰路需要同山齊士、韋拿甚至恩尼斯達爭奪位置。考慮到巴塞極有可能引入尼馬，泰路下季既出場時間好可能無辦法得到保證。
正當考慮到泰路係巴塞地位並唔穩固，利物浦同阿仙奴就打起對佢既主意。事實上，早係上年夏天，呢兩大英超豪門就曾經追逐過泰路。泰路既速度同衝擊力非常強，佢既球風同英超既風格都幾切合。泰路目前既違約金為1000萬歐元，相比佢既能力，呢個價錢並唔算高。