熱刺清洗中場三將求購巴塞失意中場 精選

《每日郵報》披露，如果熱刺成功晉級下季既歐聯，佢地將會求購巴塞羅那中場桑治，而佢上季仲效力緊位於熱刺既北倫敦死敵阿仙奴，同時熱刺將會清洗柏加、赫杜史東等中場。
上年夏天桑治以1500萬英鎊既身價從阿仙奴轉投巴塞，雙方鬧僵，所以佢重番槍手基本上係無可能。今季桑治係人才濟濟既巴塞無辦法踢上主力，傳聞阿仙奴有意回購佢，桑治既叔叔就表示：「桑治過得唔開心，係阿仙奴，佢無論係場上場下都係領袖，佢係西班牙就無呢種感覺，咁令到佢好痛苦。」不過雲加勸呢名昔日既愛將再留一年。
阿仙奴無意回購佢，佢地既北倫敦死敵熱刺就幾有興趣。熱刺最近主場逆轉曼城之後，距離第四既車路士只有1分，距離第三既阿仙奴只有2分，而且踢少場，入前四大有希望。如果熱刺順利晉級下季既歐聯，佢地將會求購桑治，同辛度以及丹比利兩人組成中場鐵三角，同時清洗柏加、赫杜史東同利弗莫等3人。
據悉巴塞如果出售桑治，佢地希望收番當初為佢支付既1500萬英鎊轉會費，咁對熱刺黎講唔係問題。但係如果熱刺俾阿仙奴同車路士逼出前四，佢地將會放棄求購桑治，轉去尋找一名前鋒。桑治唔會加盟一間無得踢歐聯既球隊，佢係阿仙奴同巴塞都係成日出現係歐聯賽場。另外購買一名能夠帶黎穩定入球既前鋒係熱刺既當務之急，艾迪巴約今季徹底啞火，熱刺既前鋒只有迪科爾入球，而且都唔算穩定（11球），保阿斯於是將巴爾移到中路，效果相當不錯。